Ultimate magazine theme for WordPress.

बैतडीमा प्रधानमन्त्री कृषि आधुनिकीकरण परियोजना

226

बैतडी, पुस २५  : बैतडी जिल्लामा पनि प्रधानमन्त्री कृषि आधुिनकीकरण परियोजना सुरु भएको छ। जिल्ला कृषि विकास कार्यालयले चालु आवमा जिल्लामा ब्लक र पकेटको अवधारणाअनुसार परियोजना सुरु गरेको जिल्ला कृषि विकास कार्यालय प्रमुख दिव्यदेव भट्टले जानकारी दिए।

परियोजनाअन्तर्गत १०० हेक्टरको एक ब्लकका आधारमा मकै र मकैको बीउ उत्पादन तथा तरकारी उत्पादनका लागि कार्यक्रम गरिएका छन्। मकै र मकैको बीउ उत्पादनका लागि गाँजरी, सिगास, शिवलिङ्ग, थालाकाँडा, ढुङ्गाड, भटना, हाट, न्वादेउ, महादेवस्थान, मल्लादेही, मेलौली, सलेना, महारुद्र, विशालपुर र शिवनाथ गाविस छनोट गरिएका छन्।

यस्तै, तरकारी उत्पादनका लागि देहीमाडौँ, सलेना, सिद्धपुर, गोकुलेश्वर, दशरथचन्द नगरपालिका, गुरुखोला, सिद्धेश्वर, महारुद्र, चौखाम, भूमराज र न्वाली छनोट गरिएका छन्।

परियोजनाअन्तर्गत बीउबीजन, कृषि यान्त्रीकरण ५० प्रतिशत अनुदान दिइनेछ भने सिँचाइमा ८५ प्रतिशत अनुदान दिइने जिल्ला कृषि विकास कार्यालयका सूचना अधिकृत कर्णबहादुर चन्दले बताए। रासस

Leave A Reply

Your email address will not be published.