(एजेन्सी )काठमाडौं पौष २१ : इंग्लिस प्रिमियर लिगमा लगातार धेरै खेल जित्ने कीर्तिमान बनाउन टोटनह्यामले चेल्सीको सपना तोडिदिएको छ।
लिग अन्तर्गत गए राति भएको खेलमा शीर्ष स्थानको चेल्सी टोटनह्यामसँग २–० ले पराजित हुँदै कीर्तिमान बनाउनबाट चुक्यो।
लिगका पछिल्ला १३ खेलमा अपराजित चेल्सीको यो पहिलो हार हो। एकै सिजनमा लगातार १३ खेल जितेर क्लब कीर्तिमान बनाएको चेल्सी प्रिमियर लिगमा लगातार धेरै खेल जित्ने कीर्तिमान बनाउनबाट एक जित आवश्यक थियो। तर, चेल्सीको कीर्तिमान बनाउने सपनामा टोटनह्याम बाधक बन्यो।
गएरातिको खेल जितको भए चेल्सीले आर्सनलले बनाएको लगातार १४ खेल जितेको कीर्तिमानसँग बराबरी गर्ने थियो।
टोटनह्यामका डेल अलीले पहिलो हाफको अन्तिम तथा दोस्रो हाफको नवौं मिनेटमा गरी दुई गोल गर्दै टोटनह्यामलाई २–० को जित दिलाएपछि चेल्सीको सपना सकिएको हो।
लिगमा लगातार पाँचौं जित निकाल्ने क्रममा टोटनह्यामले चेल्सीको विजयी यात्रामा समेत पूर्णविराम लगायो।
यो हार सँगै चेल्सीले दोस्रो स्थानको लिभरपुलसँगको अंक दूरी ८ बनाउने मौका गुमायो।
यद्यपी लिगको अंक तालिकामा चेल्सीको २० खेलबाट ४९ अंक छ ।
यद्यपी लिगको अंक तालिकामा चेल्सीको २० खेलबाट ४९ अंक छ ।
दोस्रो स्थानमा रहेको लिभरपुलको ४४ अंक छ। तेस्रो स्थानमा उक्लिएको टोटनह्यामको ४२ अंक भएको छ।
