बारा, ९ असोज / सवारी दुर्घटनामा परी बाराको निजगढ नगरपालिकाका एक युवकको मृत्यु भएको छ । मोटरसाइकल दुर्घटनामा परी बाराको निजगढ नगरपालिका वडा नम्बर १३ का २५ बर्षिय सुरेन्द्र घलानको मृत्यु भएको हो ।
बाराको तामागढी सिम्रौणगढ सडकको जंगलमा मोटरसाइकल दुर्घटना हुदा घलानको घटनास्थलमै मृत्यु भएको बारा प्रहरीले जनाएको छ । रतनपुरबाट निजगढतर्फ जादै गरेको प्र २–०३ –००६ प २७८० नम्बरको मोटरसाइकल आफै अनियन्त्रित भई सडक छेउको रुखमा ठोकिदा मोटरसाइकल चालक घलानको घटनास्थलमै मृत्यु भएको बारा प्रहरीले जनाएको हो ।
मोटरसाइकलमा सवार दुई जना मध्ये चालक घलानको मृत्यु भएको र पछाडी सवार ४२ बर्षिय रामबहादुर बम्जन घाइते हुन पुगेको बारा प्रहरीले जनाएको छ । घाइते बम्जनको वीरगंज स्थित नेशनल मेडिकल कलेजमा उपचार भइरहेको बारा प्रहरीले जनाएको छ ।
