Ultimate magazine theme for WordPress.

वीरगंजमा प्रदेश दुइकै पहिलो डाइटिशियन क्लिनिक संचालनमा

114

वीरगंज / वीरगंजमा प्रदेश नम्बर दुईकै पहिलो डाइट क्लिनिक संचालनमा आएको छ । विर्ता स्थित शान्तिपोलिक्लिनिकले डाइट क्लिनिक संचालनमा ल्याएको हो ।
वीरगंजमा डाइट क्लिनिकको अभावमा संतुलित र पौष्टिक आहारका बारेमा जानकारी पाउन कठिन भएकाले आफुहरुले यस्तो क्लिनिक संचालनमा ल्याएको शान्ति पोलिक्लिनिकका संचालक प्रमोद सर्राफले बताउनु भयो । क्लिनिकमा नारायणी उपक्षेत्रीय अस्पताल वीरगंजकी डाइटिशियन निशा सिंहले डाइट सम्बन्धी आवश्यक सल्लाह तथा परामर्श दिनुहुने छ ।
विरगंजमा नारायणी उपक्षेत्रीय अस्पतालमा यो सेवा रहे पनि निजि क्षेत्रमा भने पहिलो पटक संचालनमा ल्याइएको हो ।
शुक्रबारदेखि संचालनमा आएको क्लिनिकको वीरगंजका वरिष्ठ फिजिशियन डा. गोपाल प्रसाद गजुरेलले औपचारिक कार्यक्रमकाबिच उदघाटन गर्नु भएको हो।
स्वास्थ्य जीवनशैलीका लागि डाइट बारे जानकारी हुनु अनिवार्य रहरकाले यस सम्बन्धि जानकारि लिन आउनेहरुको संख्या समेत उल्लेख्य रहेको डाइटिसियन सिंहले बताउनु भयो ।
विशेषगरी मिर्गौलाको डाइलासिस गरिरहेका बिरामी, मुटु तथा मधुमेहका बिरामी, कुपोषणमा परेका बालबालिका तथा गर्भवती महिलाका लागि डाइट अर्थात सन्तुलित भोजनका बारेमा जानकारी हुनु अती आवश्यक रहेको उहाँले बताउनु भयो ।
व्यायामले मात्रै शरिर फिट राख्ने नभइ त्यसका लागि संतिलित आहार महत्वपुर्ण रहेको डाइटिशियन सिंहले बताउनु भयो ।
सिंहले विश्वविद्यालयबाट डाइटिसियन सम्बन्धी ३ वर्षे ग्राजुएसन कोर्स गर्नुभएको छ । अहिले नारायणी उपक्षेत्रीय अस्पतालमा कार्रत सिंहले त्यस अघि दिल्लीमा रहेको म्याक्स सुपर स्पेसालिटी हस्पिटलमा केही समय सेवा समेत गर्नुभएको थियो ।

Leave A Reply

Your email address will not be published.